Хаңҗуда 3000 нәпәр ишчи ‏- хизмәтчи намайиш өткүзди


2006-12-05
Share

Радиомизниң игилишичә, хитайниң җеҗяң өлкисидики хаңҗу шәһиридә, 3000 дин артуқ иштин бошитилған ишчи ‏- хизмәтчиләр дүшәнбә күни шәһәрлик һөкүмәт идарисиниң алдиға берип намайиш өткүзүп, һөкүмәт даирилириниң уларниң турмуш хираҗитигә капаләтлик қилмиғанлиқиға наразилиқ билдүргән һәмдә һөкүмәттин төләм һәққи тәләп қилған.

Зияритимизни қобул қилған бир қисим намайишчиларниң мәлум қилишичә, намайишчилар пенсийә мааши, давалиниш пули қатарлиқ мәсилиләр һәққидә, һөкүмәт даирилири билән бивастә сөһбәттә болушни тәләп қилған.

Намайиш әтигән саәт 8:30 дин башлап, топ-тоғра 3 саәт давамлашқан. Намайишчилар арисида шуар товлаш яки лозунка чиқириш қатарлиқ һәрикәтләр йүз бәрмигән. Намайишчилар пәқәт йәрлик һөкүмәт идариси алдида җим -җит олтуруп наразилиқ билдүргән. Бу җәрянда, йәрлик һөкүмәт 300 гә йеқин сақчини аманлиқни қоғдашқа чиқарған. Сақчиларниң қаттиқ назарәт қилиши астида, тоқунуш йүз бәрмигән. (Меһрибан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт