Шәрқи хитайда намайишчи амма билән сақчилар арисида кәскин тоқунуш болди


2007.03.22
Share on WhatsApp
Share on WhatsApp

Бирләшмә агентлиқиниң 22 ‏- март бейҗиңдин бәргән хәвиридин мәлум болушичә, шәрқи хитайда миңлиған амма өз йезисиниң шәһәргә қошулуп кетишигә қарши наразилиқлирини билдүрүп намайиш қилған. Намайиш җәрянида хитай сақчилири билән намайишчи амма арисида кәскин тоқунушлар болған.

Намайиш чаршәнбә күни җяңши өлкисиниң гуйши йезисида юз бәргән болуп намайишчилар шәрқи хитайдики бир муһим төмүр йолни тосувалған. Тоқунуш җәрянида сақчилар намайишчиларни қоғлиған вә яш аққузуш бомбиси атқан.

Хитай ахбарат васитилириниң бәргән мәлуматида намайишчиларниң сани икки йүз әтрапида дәп ейтилған болсиму, әмма намайиш шаһидлири намайишичиларниң нәччә он миңға йетидиғанлиқини билдүргән. Уларниң ейтишичә, сақчилар аз болғандиму 40 адәмни яриландурған, шуниң билән ғәзәпләнгән амма машиниларни өрүшни башлиған.

Йеқинқи йиллардин бери, хитайда намайишларниң сани көрүнәрлик өрлигән болуп, хитай җамаәт хәвпсизлик министирлиқиниң санлиқ мәлуматиға қариғанда 2005 ‏- йилида тәшвиқат варақчиси чаплаш, намайиш қилиш қатарлиқ вәқәләр 87 миң қетим йүз бәргән. Бу 2004 - йилидикидин 6.6 Пирсәнт вә 2003 йилидикидин 50 пирсәнт өрлигән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.