Chongching shehride ayal ishchilar keng kölemlik naraziliq namayish élip bardi

Jüme küni, chungching sheherlik jama'et xewpsizlik idarisi aldida, nurghun ishtin qaldurulghan toqumichiliq ayal ishchilar birlikte naraziliq namayish élip barghan. Saqchilar namayishchilarning bésimi bilen peyshenbe küni qolgha alghan namayishchilarning bashlamchisi, tang wu isimlik bir neper ayal ishchini qoyup bérishke mejbur bolghan.

Buning aldida yeni peyshenbe künimu chong chingdiki ishtin qaldurulghan nechche on neper ishchi ayal, öz hoquqlirini telep qilip namayish qilghanda saqchilar ularni topilangchilar dep qolgha élip ularning yétekchisi tang wuni 12künlük qamaqqa alghan idi.

Amérika awazi radi'osining xewiride chungching toqumchiliq zawutidin namayishqa qatnashqan wangning sözini neqil keltürüshiche " zawut gumran bolup, ishchilargha héchqandaq tölem tölimey peqet her ayda 210 yüendin töwen turmush kapaliti béridighan bolup ishchilarni biraqla ishtin qaldurghan, narazi bolghan ishchilar organlargha sözini axturalmay namayish qilip kochigha chiqqan, emma hökümet hemde saqchilar yollarni qamal qilip namayishchilarni tutushqa bashlighan. "

Chungching paxta toqumichiliq zawuti -90 yillardin bashlapla nurghun ishchilarni qisqartishqa bashlighan bolsimu hazirgha qeder ularning tölem ishlirini hel qilmighan iken. (Gülchéhre)