Xongkongda puqralar on ming kishilik namayish ötküzüp démokratiye telep qildi

7 - Ayning 1 - küni xongkong xitay qoynigha qaytip kelgenlikining 8 yilliqini tebriklewatqan bir chaghda, xongkong puqraliri on ming kishilik namayish ötküzüp démokratiye telep qildi. Tebriklesh pa'aliyiti bilen namayish bir kün'ge toghra keldi.

Birleshme axbarat agéntliqining xewer qilishiche, bu yilqi namayishning kölimi ötken yilqigha qarighanda chong hésaplanmaydiken. Saqchilar, namayishqa qatnashqanlarning 11 minggha yétidighanliqini bildürmekte. Emma namayishni uyushturghuchilar namayishqa 45 ming kishining ishtirak qilghanliqini ilgiri sürgen.

2003 - Yili 1 - iyunda xongkong boyiche 500 ming kishi namayish qilip, xongkong da'irilirining tüp qanundiki 23 - maddigha özgertish kirgüzüshini ret qilghan idi.

Birleshme axbarat agéntliqining tekitlishiche, béyjing hökümiti kelgüsi bir qanche yil ichide xongkong boyiche omumi saylam élip bérilidighanliqini ret qilghandin kéyin, xongkong puqralirida démokratiyining yétip kélishige qarita ishenchisi azayghan. Xitay hökümiti yéqinda xongkong alahide memuriy rayonining bash katipi zéng mingchü'enni dong jyenxu'aning ornigha xongkong bagh memuriy emeldari qilip teyinlidi.(Erkin)