Xitayda naraziliq heriketliri izchil türde yüz bermekte
2007.08.23
Xongkongda chiqidighan " nur" gézitining xewirige qarighanda xitayning shénjén shehiridiki " féyxu'ang " éléktir eswabliri zawutining nechche minglighan ishchiliri, zawut da'irilirining ish kölimini ashurup, eksiche ma'ashni östürmeslik qilmishi üstidin naraziliq bildürüp, charshenbe künidin buyan ish tashlash herikiti élip barghan.
Xewerdin melum bolushiche, hökümet buninggha qarita nechche yüzligen saqchi we qoralliq eskerlirini ishqa sélip weqe yüz bergen meydanda charlash élip barghan. Netijide, ishchilar bilen saqchilar otturisida toqunush yüz bérip, köp adem yarilan'ghan , 5 neper ishchi qolgha élin'ghan. Neq meydanni körgüchilerning bildürüshiche, ishchilarning naraziliq herikiti qatnashqa éghir tosqunluq élip kelgen.
Bu arida yene " féyxu'ang " zawutining tarmiqidiki yene qol téléfoni yasash zawutining nechche ming ishchisi, oxshash seweb bilen uda ikki kün ish tashlighan. Hökümet qoralliq qisim eskerlirini heriketke sélip qatnash toxtap qélishning aldini alghan.
Xitayning herqaysi jaylirida ish tüzümige qarshi naraziliq heriketliri dawamliq dégüdek yüz bérip turidu. Xitay hökümiti bu xil heriketlerning aldini élish üchün barliq küchini ishqa salmaqta, bolupmu olimpik musabiqisigha jiddiy teyyarliq qiliwatqan xitay xelqning naraziliq heriketliridin meydan'gha kélidighan setchiliklerning yüz bérishidin qattiq endishe qilidu.
Chünki, xelq'ara kishilik hoquq teshkilatliri xitayning kishilik hoquq mesilisini qattiq eyiblep, xelq'ara jem'iyettin béyjingning olimpik musabiqisi ötküzüshige qarshi bayqut élan qilishini telep qildi. (Eqide)
Munasiwetlik maqalilar
- Yang jyenli xitayning démokratiyilishish we erkinlikni tosushining mumkin emeslikini körsetti
- Xitay hökümiti tyen'enmin weqesidiki namayishchini 18 yildin kéyin qoyup berdi
- Xu jintaw 1 - iyul küni xongkongda namayish bashlinishtin burun béyjinggha qaytidiken
- Sichüen ölkiside mingdin artuq amma we oqughuchilar birlikte namayish qildi
- Ichki mongghulda 5 mingdin artuq xelq ammisi saqchilar bilen toqunushti
- Xitay déhqanlar "pilanliq tughut siyasiti"ge qarshi yene namayish qildi
- Gu'angshida pilanliq tughut toqunushi peyda qilghan emeldarlarni sotlash üchün adwokatlar heqsiz mulazimetke teyyar
- Xongkongda tyen'enmén weqeside ölgenlerge matem bildürüsh yighilishi ötküzüldi
- Gu'angshida pilanliq tughut siyasitige qarshi keypiyat yenila jiddi
- Gu'angshi ölkiside yüz bergen pilanliq tughutqa qarshi topilang téxi tinjimidi