Японийә: хитай һөкүмити хитайдики японийиликләрниң бихәтәрликигә мәсул болуши керәк


2005.04.11
Share on WhatsApp
Share on WhatsApp

японийә баш министири юничиро койзоми дүшәнбә күни бейҗиң һөкүмитини хитайдики японийигә қарши һәрикәтләрниң алдини елишқа чақирди.

японийә хитай мунасивәтлири күндин - күнгә начарлишиватқан болуп, хәвәрләргә қариғанда, нөвәттә хитайдики японийә сода ширкәтлири қораллиқ сақчилар тәрипидин қоғдилидикән. Шәнбә күни бейҗиңда миңлиған киши японийигә қарши намайиш өткүзүп, ботулка вә ташлар билән бейҗиңдики японийә баш әлчиханисиға һуҗум қилип, бейҗиңдики японийә ресторанлириниң хадимлирини қаттиқ һақарәтлигән шундақла хәлқини японийә таварлирини байқут қелишқа чақирған.

японийә баш министири койзоми токйода мухбирларға бәргән баянатида, "бундақ вәқәләр қәтий йүз бәрмәслики керәк. Мән хитай һөкүмитиниң бундақ вәқәләрниң қайтидин йүз беришиниң алдини елиш үчүн пүтүн теришчанлиқини көрситишини үмид қилимән" деди.

японийигә қарши намайишлар дәсләптә бейҗиңдики мәктәп оқуғучилири тәрипидин японийидики дәрслик китаблириға қарши елип берилған иди. Намайишчиларниң ейтишичә, японийидики дәрслик китаблиридин японийиниң иккинчи дуня уруши җәрянида өткүзгән җинайәтлири чиқириветилгән икән.

Бейҗиңдики мәктәп оқуғучилири тәрипидин елип берилған намайишлар, қисқиғина вақит ичидә японийигә қарши кәң көләмлик намайишларға айланди. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.