Xitay déhqanliri ashliq élan qilip yerlik hökümetke naraziliq bildürdi


2005.08.31

Xitayning gu'angdong ölkisidiki 100 din oshuq xitay déhqanliri yéza bashliqining xiyanetchiliki we yer - zémin majirasidiki naheqchiliklerni eyiblep, charshenbe küni ashliq élan qilip naraziliq bildürdi.

Fransiye agéntliqining xewirige qarighanda, bu déhqanlar gu'angdong ölkisining tashi yézisidin bolup, ular nechche kündin buyan penyu rayonluq hökümet binasi aldida namayish ötküzüp, yéza bashliqi chén jinshéngni emilidin élip tashlashni telep qilghan. Lékin ular hökümettin héchqandaq jawab alalmighandin kéyin, charshenbe küni ashliq élan qilishqa mejbur bolghan.

Déhqanlar yéza bashliqi chénning özining shexsiy menpe'etini közlep, déhqanlarning yerlirini ularning ruxsiti almay turupla, yer sodigerlirige sétip bergenlikini eyibligen. Shundaqla déhqanlar, eger hökümet chénni xizmitidin boshatmisa, ularning ashliq élan qilishni yene dawamlashturidighanliqini bildürgen.

Namayishtiki xu'ang famililik birining fransiye agéntliqigha bildürishiche, charshenbe küni 100 dek amanliq saqlash saqchiliri namayish meydanigha kelgen hemde qol téléfonda paranglashqan we téléfonda resimge tartmaqchi bolghan namayishchilardin 3-4 ini tutup ketken.

Féng famililik yene bir déhqan muxbirgha, " hazir kishilerning achchighi bek yaman. Biz héchnimidin qorqmaymiz. Eger saqchilarning bizni tutqisi bolsa, mushu pütün yézini tutqun qilsun" dep bildürgen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.