Хитай америка дөләт мәҗлисиниң кишилик һоқуқ доклатиға қарши чиқти


2005-10-13
Share

Хитай һөкүмити пәйшәнбә күни баянат елан қилип, америка дөләт мәҗлисиниң доклат елан қилип хитайниң кишлик һоқуқ хатирисини әйиблигәнликигә қаршилиқ билдүрди.

Хитай ташқи ишлар министирлиқиниң баянатчиси куң чүән америка дөләт мәҗлиси хитай ишлири иҗраийә комитетиниң чаршәнбә күни елан қилған доклатини," һәқиқәтни бурмилиған" вә "хитайниң ички ишлириға арилашқан" дәп көрсәтти.

Америка дөләт мәҗлиси сәйшәнбә күни елан қилған доклатида, хитайдики кишилик һоқуқ вәзийитидә өткән йили яхшилиниш болмиғанлиқини билдүргән иди. Доклатта хитай һөкүмитиниң хәлқниң сиясий, диний вә сөз әркинликини бастурғанлиқи әйибләнгән.

Куң чүән баянатида, "бу доклат давамлиқ кишилик һоқуқ, дин, тибәт, шинҗаң, аяллар һоқуқи дегәндәк мәсилиләрдин пайдилинип, җуңгони қариғуларчә әйиблиди" деди.

Әмма йигирмә әзадин тәркиб тапқан, америка дөләт мәҗлиси хитай ишлири иҗраийә комитети рәисиниң билдүрүшичә, бу доклат һәқиқәт болуп, хитайниң кишилик һоқуқ вә қанун түзүлмә әһвалини көзитиш асасида чиқирилған. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт