Xitay amérika dölet mejlisining kishilik hoquq doklatigha qarshi chiqti

Xitay hökümiti peyshenbe küni bayanat élan qilip, amérika dölet mejlisining doklat élan qilip xitayning kishlik hoquq xatirisini eyibligenlikige qarshiliq bildürdi.

Xitay tashqi ishlar ministirliqining bayanatchisi kung chü'en amérika dölet mejlisi xitay ishliri ijra'iye komitétining charshenbe küni élan qilghan doklatini," heqiqetni burmilighan" we "xitayning ichki ishlirigha arilashqan" dep körsetti.

Amérika dölet mejlisi seyshenbe küni élan qilghan doklatida, xitaydiki kishilik hoquq weziyitide ötken yili yaxshilinish bolmighanliqini bildürgen idi. Doklatta xitay hökümitining xelqning siyasiy, diniy we söz erkinlikini basturghanliqi eyiblen'gen.

Kung chü'en bayanatida, "bu doklat dawamliq kishilik hoquq, din, tibet, shinjang, ayallar hoquqi dégendek mesililerdin paydilinip, junggoni qarighularche eyiblidi" dédi.

Emma yigirme ezadin terkib tapqan, amérika dölet mejlisi xitay ishliri ijra'iye komitéti re'isining bildürüshiche, bu doklat heqiqet bolup, xitayning kishilik hoquq we qanun tüzülme ehwalini közitish asasida chiqirilghan. (Arzu)