Amérika hökümitining xitayning herbiy küchi heqqide hazirlighan doklati xitayning naraziliqini qozghidi
2006.05.25
Xitay da'iriliri, amérika terepning xitayning herbiy ishliri heqqide hazirlighan doklatigha nisbeten qattiq naraziliqini bildürdi. Mezkür doklatta xitayning nöwette herbiy küchini ashurushi washin'gton hemde asiya döletlirige tehdit élip kélidighanliqi tekitlen'gen idi.
Amérika birleshme agéntliqining 25 - may küni bergen xewirige qarighanda, xitay tashqi ishlar ministirliqining bayanatchisi lyu jyenchawning éytishiche, doklatta junggoning herbi küchini ashurush toghrisida otturigha qoyulghan mesililer ashuriwitilgen bolup, bu peqet washin'gtonning " soghuq urush tepekküri" din ibaret iken. Xitayning bu bayanatchisi yene "amérika junggoning ichkiy siyasitige arilishish bilen birge xelq'ara munasiwetlerge ziyan keltürdi" dédi.
Amérika tereptin seyshenbe küni élan qilin'ghan doklatta, amérika dölet mudapi'e ministirliqi, junggoning dölet mudapiyisini kücheytish qedimini tézlitishidiki meqsidining noqul teywen'gila qaritilghan emeslikini, xitay izchil türde eger teywen müsteqilliq élan qilsa, choqum herbiy haletke ötidighanliqi heqqide tehdit ishlitip kelgenliki tekitlen'gen .
Amérika dölet mudapi'e ministirliqining mezkür yilliq doklatida yene, xitayning teywen'ge qaritilghan qisqa musapiliq bashqurulidighan bomba sanini köpeytkenliki yeni mölcherleshlerge qarighanda eslidiki 710 din 790 ge yetküzgenliki ashkarilan'ghan. (Eqide)
Munasiwetlik maqalilar
- Amérika dölet mudapi'e ministirliqi: xitay qoshnilirigha herbiy tehdit élip kélishi mumkin
- Xitay, néfit üchün xelq'ara kishilik hoquq ölchimige xilapliq qiliwatqanliqini ret qildi
- Wén jyabaw xitayning herbiy sélinmidiki artishini aqlidi
- Xitay teywen boghizigha 800 din artuq bashqurulidighan bomba orunlashturdi
- Béyjing péntagonning doklatidiki "xitay yoshurun tehdit" qarishini ret qildi