Béyjing, rusiye yuganskiy néfit gaz shirkitini sétiwélish weqesige arlashqanliqini ret qildi


2005-02-04
Share

Xitay tashqi ishlar ministirliqi xitaylarning dölet igidarchiliqidiki rus néfit shirkitini meblegh bilen teminlep, yuganskiy néfit gaz shirkitini sétiwélishigha yardem qilghanliqini ret qildi.

Tashqi ishlar ministirliqining bayanatchisi kong chüen peyshenbe küni bu heqte toxtilip, "jonggo, rus néfit shirkitining yuganskiy néfit- gaz shirkitini sétiwélishini meblegh bilen teminlimidi," dep körsetti. Buning aldida rusiye terep rus néfit shirkitining xitaylar teminligen 6 milyard dollar bilen yuganskiy néfit - gaz shirkitini sétiwalghanliqini ret qilghan. Rusiye maliye ministiri, qerz pul rus néfit shirkitining néfit qézish meshghulati üchün élin'ghanliqini bildürgen.

Yuganskiy néfit gaz, xususilar igilikidiki yukos néfit shirkitining bala shirkiti bolup, mezkur shirketning xojayini baj oghrilash jinayiti bilen rusiye da'iriliri teripidin qolgha élin'ghan. Dölet igilikidiki rus néfit shirkiti "kim ashidu" bazirida yuganskiy néfit gaz shirkitini "bayqal maliye guruhi" dep atalghan bir shirket arqiliq 9 milyard dollargha sétiwalghan.

Chet'el metbu'atliri xitaylarning yuganskiy néfit gazning hessidari bolush sherti bilen rus néfit shirkitini 6 milyard dollar qerz pul bilen teminligenlikini ilgiri sürmekte. Yuganskiy néfit gaz shirkitini sétish weqesi amérika- rusiye sot mehkimilirining otturisida talash - tartish yaratqan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet