خۇ جىنتاۋ تېخىمۇ كۆپ نېفىتقا ئېرىشىش ئۈچۈن رۇسىيە بىلەن قازاقىستانغا بارماقچى


2005-06-29
Share

خىتاي دۆلەت رەئىسى خۇ جىنتاۋ دۆلىتىدە كۈنسايىن ئېشىۋاتقان ئېنېرگىيە ئېھتىياجى سەۋەبىدىن تېخىمۇ كۆپ خام نېفىت ۋە تەبىئىي گازغا ئېرىشىش ئۈچۈن مۇشۇ ھەپتىنىڭ ئىچىدە رۇسىيە بىلەن قازاقىستانغا زىيارەتكە بارماقچى.

رويتېرس ئاگېنتلىقىنىڭ خەۋىرىگە قارىغاندا، خىتاي ئۆتكەن يىلى دۆلەت ئىچىدە ئىشلەپچىقىرىلغان نېفىت بىلەن ئۆزىنىڭ ئېنېرگىيىگە بولغان ئېھتىياجىنىڭ ئاران 50 نەچچە پىرسەنتىنى قاندۇرالىغان. شۇڭا خىتاي نۆۋەتتە نېفىت ئىمپورتىغا جىددىي ئېھتىياجلىق بولماقتا.

ئۇنىڭ ئۈستىگە خىتاي ھۆكۈمىتى نېفىت ئىستراتېگىيىسىنى رۇسىيە ۋە ئوتتۇرا ئاسىيا دۆلەتلىرىگە بۇراپ، ئۆزىنىڭ ئامېرىكىنىڭ تەسىرى كۈچلۈك بولغان ئوتتۇرا شەرق نېفىتىغا تايىنىپ قېلىشىغا خاتىمە بېرىشنى مەقسەت قىلغان.

نۆۋەتتە خىتاي بىلەن ياپونىيە ھەر ئىككىلىسى، دۇنيا بويىچە ئىككىنچى چوڭ نېفىت ئىشلەپچىقارغۇچى بولغان رۇسىيىنىڭ تەبىئىي گاز تۇرۇبىسىنى ئۆز دۆلەتلىرىگە تۇتاشتۇرۇشنى تالىشىۋاتقان بولۇپ، رۇسىيە گەرچە دەسلەپ بۇ تۇرۇبىنى ياپونىيىگە تۇتاشتۇرۇپ بېرىشكە قوشۇلغان بولسىمۇ، ئەمما ھازىرغىچە تېخى ئېنىق بىر قارار چىقارمىدى.

خىتاي ھۆكۈمىتى يەنە، قازاقىستان بىلەن بولغان نېفىت ئالاقىسىغا كۆپ ئېتىبار بەرگەن بولۇپ، قازاقىستان ھۆكۈمىتى خىتايغا تۇتىشىدىغان تەبىئىي گاز تۇرۇبىسى ياساشقا قوشۇلغان ئىدى. شۇنداقلا بۇ تۇرۇبا قۇرۇلۇشى مۇشۇ يىلنىڭ ئىچىدە پۈتمەكچى. (پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت