Хитай билән һиндистан, қазақистан нефит ширкитини сетивелиш үчүн риқабәтлишиду


2005-06-30
Share

Дөләт игиликидики җоңго нефит ширкити билән җоңго нефит - тәбиий газ ширкити, һиндистан нефит - тәбиий газ копиратипи билән қазақистан нефит ширкити петро - қазақистанни сетивелиш үчүн риқабәткә чүшидикән. Бу үч ширкәт петро - қазақистанни сетивелиш мүмкинчилики зор ширкәтләр, дәп қаралмақта. Улар петро қазақистанға херидар болидиғанлиқини җакалиған. Петро - қазақистан қазақистанда мәшғулат елип баридиған канада ширкити.

Пипетро - қазақистанниң һазирқи базар тәнәрқи 2 милярд 600 милйон доллар болуп, җоңго нефит ширкити петро - қазақистанни сетивелиш үчүн тиришчанлиқ көрситиши мумкин. Чүнки җоңго нефит ширкитиниң қазақистандики нефитлики атасу - алатав нефит турубиси өтүдиған районларға тоғра келидикән.

Узунлуқи 1000 километир келидиған атасу - алатав нефит турубиси оттура қазақистанни алатав еғизи вә уйғур аптоном райониниң майтағ райони билән туташтуриду. Мәзкур нефит турубиси хитайни йилда 20 милйон тонна нефит билән тәминләйдикән.

Җоңго нефит ширкити қазақистанда хам нефит записи 431 милйон варил келидиған бир нефитлик билән, тәбий газ записи 150 милярд куп метир келидиған бир тәбиий газлиқни контрол қилмақта. Әмма ройтерс ахбарат агентлиқиниң хәвәр қилишичә, қазақистан енергийә вә тәбиий байлиқлар министири владимир школник, " қазақистанда мәшғулат елип бериватқан ширкәтләр мал - мүлкини сатмақчи болса, алди билән қазақистан һөкүмитиниң рухситини елиш керәк," дәп тәкитлигән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт