Xitay bilen hindistan, qazaqistan néfit shirkitini sétiwélish üchün riqabetlishidu


2005-06-30
Share

Dölet igilikidiki jonggo néfit shirkiti bilen jonggo néfit - tebi'iy gaz shirkiti, hindistan néfit - tebi'iy gaz kopiratipi bilen qazaqistan néfit shirkiti pétro - qazaqistanni sétiwélish üchün riqabetke chüshidiken. Bu üch shirket pétro - qazaqistanni sétiwélish mümkinchiliki zor shirketler, dep qaralmaqta. Ular pétro qazaqistan'gha xéridar bolidighanliqini jakalighan. Pétro - qazaqistan qazaqistanda meshghulat élip baridighan kanada shirkiti.

Pipétro - qazaqistanning hazirqi bazar tenerqi 2 milyard 600 milyon dollar bolup, jonggo néfit shirkiti pétro - qazaqistanni sétiwélish üchün tirishchanliq körsitishi mumkin. Chünki jonggo néfit shirkitining qazaqistandiki néfitliki atasu - alataw néfit turubisi ötüdighan rayonlargha toghra kélidiken.

Uzunluqi 1000 kilométir kélidighan atasu - alataw néfit turubisi ottura qazaqistanni alataw éghizi we Uyghur aptonom rayonining maytagh rayoni bilen tutashturidu. Mezkur néfit turubisi xitayni yilda 20 milyon tonna néfit bilen teminleydiken.

Jonggo néfit shirkiti qazaqistanda xam néfit zapisi 431 milyon waril kélidighan bir néfitlik bilen, teb'iy gaz zapisi 150 milyard kup métir kélidighan bir tebi'iy gazliqni kontrol qilmaqta. Emma roytérs axbarat agéntliqining xewer qilishiche, qazaqistan énérgiye we tebi'iy bayliqlar ministiri wladimir shkolnik, " qazaqistanda meshghulat élip bériwatqan shirketler mal - mülkini satmaqchi bolsa, aldi bilen qazaqistan hökümitining ruxsitini élish kérek," dep tekitligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet