Xitay bilen hindistan qazaqistanning néfitini talashmaqta


2005.08.16
Share on WhatsApp
Share on WhatsApp

Xitay bilen hindistanning dölet igilikidiki néfit shirketliri nöwette, qazaqistanda néfit meydanigha ige bolghan kanadaning bir néfit shirkitini sétiwélishni talashmaqta.

Kanadaning bu pétro-qazaqistan dep atalghan néfit shirkitini sétiwélish üchün xitayning dölet igiligidiki xitay néfit shirkiti 3 milyard 2 yüz milyon amérika dolliri baha qoyghan, hindistanning néfit we tebi'iy gaz shirkiti bolsa, xitaydin 400 milyon dollar üstün baha qoyup, 3 milyard 6 yüz milyon dollargha östürgen. Lékin pétro-qazaqistan qaysisining bahasini qobul qilishni téxi békitmidi.

Xitay shirkiti ilgiri amérikining yunikal néfit shirkitini sétwélish üchün yuqiri baha qoyup turupmu, özidin töwen baha qoyghan amérikining shéwron néfit shirkitige utturup qoyghan idi. Közetküchiler, xitayning mushu sewebtin, bahani yuqiri qoyushning birdin-bir chare emesligikini hés qilghanliqini bildürmekte.

"Nyu-york waqti" gézitide élan qilin'ghan bu xewerde yene, xitay hökümitining qazaqistan bilen bolghan munasiwitide toxtilip, xitayning Uyghur élining weziyitini muqim saqlash meqsitide qazaqistan'gha xélidin béri xushamet qilip kelgenlikini yazghan. Shundaqla xitay-qazaqistan munasiwetlirining bu sodigha tesir körsitishi mumkinliki perez qilin'ghan.

Dunyadiki nopusi eng köp bolghan xitay bilen hindistan her ikkila döletning néfitqa bolghan éhtiyaji nahayiti téz éshiwatqan bolup, hazir ottura asiya bolupmu qazaqistanning néfit bayliqi her ikkila döletning közi chüshidighan muhim rayon'gha aylandi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet