Хитай нефит баһасиниң өрлишидин әндишә қилмақта


2005-09-11
Share

Бир қисим хитай әмәлдарлири вә анализчилар, нефит баһасиниң өрләп кетишиниң, хитайниң иқтисадини астилитип қоюши, һәтта пул пахаллиқини кәлтүрүши мумкинликини агаһландурди.

Хитайниң дөләтлик тәрәққият вә ислаһат комитетиниң муавин мудири җу җишин бейҗиңда өткүзүлгән бир сода муһакимә йиғинида бу қарашларни оттуриға қойған болуп, у сөзидә "мән етирап қилимәнки, нөвәттики нефит баһасиниң өрлиши, хитай иқтисадиға тәсир көрситиватиду" дәп билдүрди.

Әнглийә б б с радио телевизийә ширкитиниң хәвәр қилишичә, гәрчә җу җишин тәпсилий санлиқ мәлуматларни елан қилмиған болсиму, лекин бәзи анализчилар һазир хитайда һәқиқәтән иқтисад астилап қелиш вә пулниң пахаллишиш амиллириниң көрүлгәнликини билдүрмәктә.

Гәрчә хитайниң иқтисади, башқа асия дөләтлириниңкидәк нефитқила тайинип қалған болмисиму, лекин нефит баһаси бундақ ешивәрсә, хитайниң иқтисадий тәрәққияти рошән тосалғуға учрайдикән. Бу, һазир хитай даирилириниң әндишә қиливатқан бир чоң мәсилисигә айланмақта.

Хитай дуня бойичә нефит истимал қилишта, америкидин қалса иккинчи орунда туридиған болуп, у күнигә 3 милйон 700 миң бак нефит импорт қилиду. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт