Xitay néfit bahasining örlishidin endishe qilmaqta


2005.09.11
Share on WhatsApp
Share on WhatsApp

Bir qisim xitay emeldarliri we analizchilar, néfit bahasining örlep kétishining, xitayning iqtisadini astilitip qoyushi, hetta pul paxalliqini keltürüshi mumkinlikini agahlandurdi.

Xitayning döletlik tereqqiyat we islahat komitétining mu'awin mudiri ju jishin béyjingda ötküzülgen bir soda muhakime yighinida bu qarashlarni otturigha qoyghan bolup, u sözide "men étirap qilimenki, nöwettiki néfit bahasining örlishi, xitay iqtisadigha tesir körsitiwatidu" dep bildürdi.

En'gliye b b s radi'o téléwiziye shirkitining xewer qilishiche, gerche ju jishin tepsiliy sanliq melumatlarni élan qilmighan bolsimu, lékin bezi analizchilar hazir xitayda heqiqeten iqtisad astilap qélish we pulning paxallishish amillirining körülgenlikini bildürmekte.

Gerche xitayning iqtisadi, bashqa asiya döletliriningkidek néfitqila tayinip qalghan bolmisimu, lékin néfit bahasi bundaq éshiwerse, xitayning iqtisadiy tereqqiyati roshen tosalghugha uchraydiken. Bu, hazir xitay da'irilirining endishe qiliwatqan bir chong mesilisige aylanmaqta.

Xitay dunya boyiche néfit istimal qilishta, amérikidin qalsa ikkinchi orunda turidighan bolup, u künige 3 milyon 700 ming bak néfit import qilidu. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet