Atasu-alataw néfit turubisi soda xaraktéridiki néfit importini resmiy bashlidi


2006-07-12
Share

Qazaqistandin Uyghur élige tutishidighan atasu-alataw néfit turubisi 11‏- iyol künidin bashlap, soda xaraktéridiki néfit mangghuzush basquchigha resmiy qedem qoydi. Bu xitay üchün tunji qétimliq biwaste soda import néfit turubisi bolup hésablinidu.

Qazaqistandin bashlan'ghan 960 kilométir uzunluqtiki bu néfit turubisi alataw éghizidin ötüp qaramayning maytaghqiche tutishidighan bolup, turubidiki néfitning maytaghqa yétip kélishi üchün 15 kün kétidiken. Xitay hazir bu turubini xitayning ichkiri ölkiliri bilen tutashturushqa tirishmaqta. Pütün qurulush pütüp chiqqanda qazaqistandin xitaygha tutishidighan bu turubining omumiy uzunliqi 3000 kilométirgha yétidiken.

Amérika birleshme agéntliqining xewer qilishiche, mezkur atasu-alataw néfit turubisi xitayni kaspiy déngizining néfitige érishish pursitige ige qilidiken. Xitay da'iriliri 2010 ‏-yilighiche bu turubidin yiligha 20 milyon tonna néfit import qilidighan sewiyige yétishni pilanlimaqta.

Xitay bilen qazaqistan énérgiye hemkarliqini 1997‏- yilidin bashlighan bolup, ular néfit turuba qurulushidin bashqa yene, bir yürüsh tebi'iy gaz we néfit soda kélishimlirini imzalidi. Mezkur atasu-alataw néfit turuba qurulushi 2005‏- yili noyabirda pütüp chiqqan hemde buninggha 700 milyon amérika dolliri serp qilin'ghan. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet