Xitayda népalgha qoral yötkigen kishiler qolgha élindi

Xitay saqchiliri yéqinda népalgha qoral - yaraq yötkigen 10 nechche kishini qolgha aldi. Birleshme axbarat agéntliqining xewer qilishiche, oghirliqche yötkelgen qorallarning népaldiki maw zidongperes partizanlar bilen alaqisi bar - yoqliqi hazirgha qeder éniq emesken.

Népaldiki maw zidongperes partizanlar ilgiri xitay hökümitining mexshiy qollishigha ériship kelgen . Biraq xitay hökümiti 11 - séntebir weqesidin kéyin népaldiki partizanlarni qollimaydighanliqi toghrisida éniq ipade bildürgen idi. Béyjing hökümiti bu yilning bashliri oghirliqche qoral yötkigen ikki neper népalliq etkeschige ölüm jazasi bergen.

Népal metbu'atlirining xewer qilishiche, bu qétim qolgha élin'ghanlar 12 kishi bolup, ular ötken yekshenbe küni xitay- népal chigirisida qolgha élin'ghan. Nöwette xitay hökümiti bu dilo üstidin tekshürüsh élip barmaqtiken. Bu arida amérika tashqiy ishlar ministirliqi, xitay hökümitidin tibet rahibi tenzin délek rénpshochigha bérilgen ölüm jazasini ijra qilmasliqni telep qildi. Xitay hökümiti tenzin délek rénpochini chéngdudiki partiltish weqelirige qatnishish bilen eyipligen. Shundaqla uni 2002 - yili 12 - ayda ölüm jazasigha höküm qilip, ikki yil kéchiktürüp ijra qilishqa buyrughan. (Erkin)