Хитайда 100 милйон киши нерва кесәлликиниң азабини тартмақта


2006-09-22
Share

Мутәхәссисләр хитайда һәр 13 адәмниң бири роһий кесәлгә гирипдар болғанлиқини елан қилип, хитай буйичә 100 милйон киши роһий кесәлликиниң азабида яшимақта, дәп көрсәтти. Хитай тиббий пәнләр җәмийити нерва кесәлликләр бөлүминиң мутәхәссиси җаң миңйүәнниң әскәртишичә,мәзкур җәмийәт хитайниң бир қисим районлирида тәкшүрүш елип барғандин кейин бу хуласини чиқарған.

Шинхуа ахбарат агентлиқи, хебейда 18 яштин юқири24 миң киши үстидә тәкшүрүш елип берилғанлиқини вә тәкшүрүшкә қатнашқан һәр 1000 адәм ичидә 47.140 Кишиниң роһий кесәл икәнлики байқалғанлиқини билдүрди. Сичүәндә 5 университетниң оқуғучилирини тәкшүргән вә тәкшүрүшкә қатнашқан оқуғучиларниң 6.14 Пирсәнтидә роһий кесәллик байқалған. Сәндуңда йеза - кәнт пуқралириниң 1.6 Пирсәнти роһий кесәл болуп чиққан. Хитай һөкүмити 1993 - йили мәмликәт бойичә 16 милйон роһий кесәлләр бимари барлиқини елан қилған иди.

Шинхуа ахбарат агентлиқи, хитай мутәхәссислириниң уйғур аптоном районида тәкшүрүш елип барған яки бармиғанлиқини вә елип барған болса нәтиҗиси қандақ болғанлиқини тилға алмиди. Хитайниң муавин сәһийә министири чен шявхоңниң әскәртишичә, хитайда 2005 - йили тиббий хираҗәтниң 20 % роһий кесәлләрни давалашқа кәткән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт