Kishilik hoquq teshkilati jaw ziyangni nezerbenddin boshitishqa chaqirdi

Xitay kompartiyisining nezerbend astidiki sabiq bash sékrétari jaw ziyang tughulghanliqining 85 yilliqi munasiwiti bilen merkizi nyu - yorktiki xitay kishilik hoquq jem'iyiti bayanat élan qilip, xitay hökümitini jaw ziyanggha qaritilghan nezerbendni bikar qilishqa chaqirdi. Jaw ziyang 1989 - yili 5 - ayning 19 - küni tyen enmin meydanigha kélip, meydanda namayish qiliwatqan oqughuchilarni ziyaret qilghan. Bu jaw ziyangning ammiwi sorunlargha axirqi qétim chiqishi bolup hésablinidu. 10 - Ayning 17 - küni jaw ziyang tughulghanliqining 85 yilliqi.

Xitay kishilik hoquq jem'iyitining bildürüshiche, shu künlerde nurghunlighan kishiler jaw ziyangning béyjingdiki qorusi aldigha yighilip, hökümet da'iriliridin jawning tughulghan künini tebrikleshke ruxset qilishni telep qilghan. Xitay kishilik hoquq jem'iyiti, xitayning memliket ichi we sirtidiki nurghun erbablar mezkur jem'iyetke xet yézip, xitay hökümitidin jaw ziyanggha qaritilghan nezerbendni bikar qilishni telep qilghanliqini bildürdi. Közetküchilerning bildürüshiche, hazir jaw ziyangning xitay siyasi weziyitige tesir körsitish küchi bolmisimu biraq, béyjing hökümitidiki bezi kishilerning neziride u yenila muqimsizliq amili hésablinidiken. (Erkin)