Xitay hökümiti nopus partlash dolqunigha duch kéliwatqanliqini étirap qildi


2004-10-24
Share

Béyjing hökümitidiki nopus siyasitige mes'ul emeldarlar, xitayning emgek yéshidiki nopus köpiyish, nopus qérish we omumi nopustiki köpiyishni öz ichige alghan üch chong partlash xaraktirlik dolqunigha duch kéliwatqanliqini étirap qildi. Xitay metbu'atlirining xewer qilishiche, xitay döletlik nopus we pilanliq tughut komitétining mudiri jang wéyching, 2020 - yiligha barghanda 16 yashtin 64 yashqiche bolghan ariliqtiki xitay nopusining 940 milyon'gha yétip, omumi nopusning 65 ٪ ni igileydighanliqi, ishqa orunlashturush mesilisining éghir bésimgha yoluqudighanliqini ilgiri sürgen. Jang wéychingning körsitishiche, shu chaghda qérilarning nopusi hazirqi 7 ٪ din 11. 8 ٪ Ge köpiyidu, buning ichide 65 yashtin yuqirilarning omumi nopustiki nisbiti 23 ٪ igileydu. Bu ehwal xitayning ijtima'iy sughurta séstimisigha éghir bésim shekillendürüshi mümkin.

Jang wéyching bu sözlerni " nopus we izchil tereqqiyat stiratigiyisi xelq'ara muhakime yighinida tekitligen. Jang wéychingning bildürüshiche, xitayning hazirqi pilanliq tughut siyasiti boyiche kelgüsi 20 yil ichide xitay nopusi yiligha 10 milyondin köpiyip, 2030 - yilning otturlirigha barghanda bir miyard 400 yüz 60 milyon'gha yétidu. Jang wéyching nopus sapasi töwen bolush, köchme nopusning kölimi zor bolush, er - ayallar nisbitining tengpungsizliqi, eydiz késilining yamrishi, namratlar napusining köpiyishidek 5 chong mesilige duch kéliwatqanliqini ilgiri sürgen. B d t nopus fondi jemiyitining xitaydiki wekili taliyening bildürüshiche, xitay nopusidiki er - ayallar nisbitining tengpungsizliqi xelq'ara jem'iyetning diqqitini qozghimaqta. Biraq u bu xil tengpungsizliqning 2050 - yilgha barghanda normallishidighanliqini ilgiri sürgen. Xitayda hazir her 117 er kishige 100 ayal toghra kélidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.