Хитай қисмән өлкиләрдә нопус сияситини бикар қилидиғанлиқини билдүрмәктә

‎ Хитай һөкүмити қисмән өлкиләрдә, кишләрни шәһәр вә йеза нопуси дәп айриш сияситини ‎тәдриҗий һалда бикар қилип, шәһәрдики ишләмчи деһқанларниң һоқуқини ‎қоғдайдиғанлиқини җакарлиди. ‎

‎ Ройтирс агентлиқиниң хәвиригә қариғанда, хитай җамаәт хәвпсизлик минситирлиқи бу ‎сиясәтни алди билән ишләмчиләргә җиддий иһтияҗлиқ болған гуаңдуң вә лиявниң, ‎фуҗийән қатарлиқ 11 өлкидә йүргүзидиғанлиқини билдүргән. Әмма җамаәт хәвпсизлик ‎министирлиқи бу пиланниң конкирт қачан әмәллишидиғанлиқини ейтмиған. ‎

‎ Хитайниң нопус түзүлмиси, шәһәргә кирип җан беқиватқан нәччә он милйонлиған ‎деһқанларни давалиниш, маарип вә җәмийәт параванлиқиға еришиш пурситидин мәһрум ‎қилмақта. ‎

‎ Төт йил авал хенәнниң җиңҗу шәһиридиму нопусниң йөтклишигә болған қисмән ‎чәклимиләр бикар қилинип баққан. Әмма шәһәрдики қатнаш, маарип вә сақлиқни сақлаш ‎тармақлириға болған бесим артип, шәһәрдики җинайәт садир болуш ниспити тез ашқанлиқтин, ‎бу сиясәт кийин бикар қилинған иди.‎

‎ Хәвәрдин мәлум болишичә, бейҗиң бу сиясәт йүргүзүлидиған даиригә кирмәйдикән. ‎Бейҗиңдики шәһәрлик җамаәт хәвпсизлик даирилириниң билдүрүшичә, әмилийәттә хитайниң ‎һечқайси чоң шәһәрлири зор түркүмдики аққунларниң келишигә тәйярлиқи йоқ икән. ‎Шоңа бир қисим даириләр, хитайниң бу пиланни йүргүзүштин бурун, нурғун иҗдимаий ‎мәсилиләрни һәл қилишқа тоғра келидиғанлиқини билдүрмәктә. (Арзу)‎