Xitay qismen ölkilerde nopus siyasitini bikar qilidighanliqini bildürmekte

‎ Xitay hökümiti qismen ölkilerde, kishlerni sheher we yéza nopusi dep ayrish siyasitini ‎tedrijiy halda bikar qilip, sheherdiki ishlemchi déhqanlarning hoquqini ‎qoghdaydighanliqini jakarlidi. ‎

‎ Roytirs agéntliqining xewirige qarighanda, xitay jama'et xewpsizlik minsitirliqi bu ‎siyasetni aldi bilen ishlemchilerge jiddiy ihtiyajliq bolghan gu'angdung we liyawning, ‎fujiyen qatarliq 11 ölkide yürgüzidighanliqini bildürgen. Emma jama'et xewpsizlik ‎ministirliqi bu pilanning konkirt qachan emellishidighanliqini éytmighan. ‎

‎ Xitayning nopus tüzülmisi, sheherge kirip jan béqiwatqan nechche on milyonlighan ‎déhqanlarni dawalinish, ma'arip we jem'iyet parawanliqigha érishish pursitidin mehrum ‎qilmaqta. ‎

‎ Töt yil awal xénenning jingju shehiridimu nopusning yötklishige bolghan qismen ‎cheklimiler bikar qilinip baqqan. Emma sheherdiki qatnash, ma'arip we saqliqni saqlash ‎tarmaqlirigha bolghan bésim artip, sheherdiki jinayet sadir bolush nispiti téz ashqanliqtin, ‎bu siyaset kiyin bikar qilin'ghan idi.‎

‎ Xewerdin melum bolishiche, béyjing bu siyaset yürgüzülidighan da'irige kirmeydiken. ‎Béyjingdiki sheherlik jama'et xewpsizlik da'irilirining bildürüshiche, emiliyette xitayning ‎héchqaysi chong sheherliri zor türkümdiki aqqunlarning kélishige teyyarliqi yoq iken. ‎Shonga bir qisim da'iriler, xitayning bu pilanni yürgüzüshtin burun, nurghun ijdima'iy ‎mesililerni hel qilishqa toghra kélidighanliqini bildürmekte. (Arzu)‎