Хитай нопусиниң тәрәққиятиға җәң елан қилинмақта

Йеқинда бейҗиңда өткүзүлгән хәлқара нопус тәтқиқати муһакимә йиғинида, хитайниң нопус мәсилиси мәзкүр дөләткә интайин еғир бесим елип келиватқанлиқи оттуриға қоюлған.

Хитай дуня буйичә, аһалиси әң көп , тәрәққи қиливатқан дөләт һесаблиниду. Гәрчә 1970 ‏- йилидин буян хитай һөкүмити пиланлиқ туғут сияситини йолға қоюп, аһалиниң тез сүрәттә көпийишини контрол қилған ,бирақ аһалиниң көпийиш тәрәққияти билән җәмийәт иқтисадий тәрәққияти оттурисидики тәңпуңсизлиқ бир - биригә мас келәлмигән.

Йиғинда мутәхәссисләр , 13милярдтин артуқ нопусқа игә , дуня нопусиниң 5 дин 1 ини игиләйдиған хитайниң , узун йил пиланлиқ туғут вә ишикни ечивитиш ислаһати елип берип , бир тәрәптин нопусниң көпийишини тизгинләш, йәнә бир тәрәптин иқтисадни өзлүксиз тәрәққи қилдуруш принсипи буйичә иш көрүп, иқтисадни тәрәққи қилдуруш вә җәмийәт муқимлиқини сақлашта бир қәдәр нәтиҗиләрни қолға кәлтүргән болсиму , лекин нопусниң көплики мәсилиси хитайға һәр хил бесимларни елип келиватқанлиқини баян қилған.

Хәлқара нопус тәтқиқати йиғинида йәнә, хитайда аһалә сүпитиниң төвәнлики болупму чәт районлардики кишиләрниң билим сәвийисиниң төвән болуши, әр - аял нисбитиниң тәңпуңсизлиқи, яшанғанлар нисбитиниң көпийиши қатарлиқ мәсилиләрниң һәммиси хитайниң тәрәққиятиға еғир тосқунлуқлар елип келидиғанлиқи тәкитләнгән. (Әқидә)