Xitay nopusining tereqqiyatigha jeng élan qilinmaqta

Yéqinda béyjingda ötküzülgen xelq'ara nopus tetqiqati muhakime yighinida, xitayning nopus mesilisi mezkür döletke intayin éghir bésim élip kéliwatqanliqi otturigha qoyulghan.

Xitay dunya buyiche, ahalisi eng köp , tereqqi qiliwatqan dölet hésablinidu. Gerche 1970 ‏- yilidin buyan xitay hökümiti pilanliq tughut siyasitini yolgha qoyup, ahalining téz sür'ette köpiyishini kontrol qilghan ,biraq ahalining köpiyish tereqqiyati bilen jem'iyet iqtisadiy tereqqiyati otturisidiki tengpungsizliq bir - birige mas kélelmigen.

Yighinda mutexessisler , 13milyardtin artuq nopusqa ige , dunya nopusining 5 din 1 ini igileydighan xitayning , uzun yil pilanliq tughut we ishikni échiwitish islahati élip bérip , bir tereptin nopusning köpiyishini tizginlesh, yene bir tereptin iqtisadni özlüksiz tereqqi qildurush prinsipi buyiche ish körüp, iqtisadni tereqqi qildurush we jem'iyet muqimliqini saqlashta bir qeder netijilerni qolgha keltürgen bolsimu , lékin nopusning köpliki mesilisi xitaygha her xil bésimlarni élip kéliwatqanliqini bayan qilghan.

Xelq'ara nopus tetqiqati yighinida yene, xitayda ahale süpitining töwenliki bolupmu chet rayonlardiki kishilerning bilim sewiyisining töwen bolushi, er - ayal nisbitining tengpungsizliqi, yashan'ghanlar nisbitining köpiyishi qatarliq mesililerning hemmisi xitayning tereqqiyatigha éghir tosqunluqlar élip kélidighanliqi tekitlen'gen. (Eqide)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar