Xitay dunya boyiche nopusining ichide yashan'ghanlar eng köp sanni igileydighan dölet bolup qaldi

2006-12-13
Élxet
Pikir
Share
Print

B b s ning xewer qilishiche, xitay dölet kabinéti 12 ‏- dékabir küni yashan'ghanlar mulazimiti heqqide aq tashliq kitab élan qilip, xitayning hazir "nupus qériliqi" mesilisige duch kéliwatqanliqi bayan qilin'ghan.

Uningda bayan qilinishiche, xitay hazir dunya boyiche pütün nupus ichide yashan'ghanlar eng köp sanni teshkil qilidighan dölet bolup qaldi. Hazir xitayda yéshi 60 tin ashqan kishilerning sani 144 milyon, pütün asiyadiki yashan'ghanlar sanining yérimini, pütün yer sharidiki yashan'ghanlar sanining 5 tin bir qismini teshkil qilidu. Xitaydiki yashan'ghan nopusning 60% i yézilarda.

Xitay dölet kabinéti élan qilghan aq tashliq kitabta bayan qilinishiche, tereqqi qilghan döletlerde nupus béshigha toghri kélidighan omum mehsulat qimmiti 5000 amérika dolliridin 10 ming amérika dollirighiche bolup kéliwatidu. Emma xitayda nupus béshigha toghri kélidighan omum mehsulat qimmiti emdi téxi 1000 amérika dolliridin ashti. Bu sélishturmida nahayiti chong perq bar. Xitayda hazir kishiler yéterlik bayliq toplap bolghiche baldurla qérip kéti'iwatqan ehwal éghirlap kétiwatidu. (Weli)

Pikirler (0)
Share
Toluq bet