Xitay nopus köpiyishning éghir bésimigha duch kéliwatidu

Xitay da'iriliri peyshenbe küni doklat élan qilip, xitay nopusining 2033-yili bir milyard 500 milyon'gha yétidighanliqini we bu xitayning ijtima'iy muqimliqi, iqtisad, muhit we teb'iy bayliqqa éghir bésim shekillendüridighanliqini bildürdi.

Doklatta, bu dégenlik köchmen ishchilarning téximu köpiyidighanliqi, er - ayallar nopusidiki tengpungsizliqning éghirlishidighanliqi shundaqla yashan'ghanlar nopusining köpiyidighanliqidin dérek béridu, dégenliktur, deydu.

Doklatta eskertishiche, xitayda 15yashtin 64 yashqiche bolghan xizmet yéshidiki nopus 2016 - yili bir milyard 10 milyon'gha yétip, xitayda xizmet tépish, ma'arip we ijtima'iy xizmet saheside zor mesile peyda qilidighanliqini eskertti. Yashan'ghanlarning sani hazirqi 143 milyondin 2040 - yili430 milyon'gha yétip, döletning pinsiye we ijtima'iy salametlik séstimisi éghir riqabetke duch kélidighanliqini agahlandurdi.

Xitay memliketlik nopus we pilanliq tughut komitéti teripidin hazirlan'ghan doklatta, 2020 - yilghiche xitayda toy qélish yéshidiki 30 milyon yashning xotun tapalmaydighanliqini we bu ehwal xitayda ijtima'iy muqimsizliq weziyiti yaritidighanliqini bildürmekte.

Doklatta eskertishiche, xitayda 2005 -yili her 100 qiz bowaqqa 118neper oghul bowaq toghra kelgen. Gu'angdonggha oxshash bezi jaylarda bolsa her 100 qiz bowaqqa 130 oghul bowaq toghra kéliwatqanliqini bildürdi. Doklatta xitay nopusini 2020 - yilghiche bir milyard 450 milyon etrapida kontrol qilish, 9 yilliq mejburi ma'arip tüzümini 2010 -yilghiche omumlashturup bolush shundaqla yéza - kentlerde ijtima'iy sughurta sistémisini qurup chiqish telep qilin'ghan. (Erkin)