Xelq'ara jem'iyet shimaliy koriyining yadro siniqi pilanini qattiq eyiblidi

• 
  2006-10-04

Birleshme agéntliqining si'ol shehiridin xewer qilishiche, shimaliy koriyige qoshna döletler yéqinda kommunst koriyining yadro siniqi élip bérishigha qet'iy qarshi turidighanliqini ipadiligendin kéyin, xelq'ara jem'iyetler ularni qollidi. Amérika qatarliq birmunche döletler otturigha chiqip shimaliy koriyini eyiblidi.

Amérika tashqi ishlar mini'itirliqining bayanatchisi 'shimaliy koriyining yadro siniqi élip bérish pilani asiyaghila emes, pütün dunyagha qilin'ghan ighwagerchilik' dédi. En'giliyening bayanatchisi 'shimaliy koriyining yadro siniqi élip bérish pilani pinyong üchün éghir aqibet keltüridu' dédi. Jenubiy koriye prizidént ishxanisining bayanatchisi ' biz hazir döli'itmizning bixeterlik ségnal derijisini yuqiri örlettuq, bezi muhim mesililer üstide qoshna döletler bilen söhbetlishiwatimiz' dédi. Franisiye tashqi ishlar ministirliqining bayanatchisimu 'shimaliy koriyining yadro pilani rayon xaraktirlik muqimsizliqni keltürüp chiqiridighan muhim amil' dédi.

Xewerde bayan qilinishiche, yaponiyining tashqi ishlar mnisitiri taro asoning puzitsiyisi nahayiti qet'iy, u sözide 'shimaliy koriye tinchliqqa tehdit salsa, uni hergiz kechürmeymiz' dégen. Emma xitay hökümitining shimaliy koriyining yadro siniqi élip bérishigha qarita tutqan pozitsiyisi bashqa döletlerdek emes, xitay tashqi ishlar minisitirliqining bayanatchisi peqet 'biz shimaliy koriyining yadro siniqi élip bérish mesilisige soghuqqanliq bilen mu'amile qilishini we özini tutuwélishini ümid qilimiz' dégen.