Er-ayal nisbitining tengpungsizliqi xitaygha apet élip kélidighan muhim amil

Xitay peyshenbe küni doklat élan qilip, " pilanliq tughut siyasiti yürgüzgendin buyan 100 milyon qiz bowaq tughulghanliqini , buning bilen xitayda er- ayal nisbitining tengpungsizliq mesilisi kündin - kün'ge éshiwatqanliqini bildürdi.

Xitay nopus tetqiqat istratégiye programmisi teshkilatining doklatida, xitayda élip bérilghan pilanliq tughut siyasiti sewebidin, er ‏- ayal nisbiti tengpungsizliship, 2005 ‏- yilidin kéyin, xitayda toy yéshigha yetken erler sani ayallardin alahide köp bolup, 2020 ‏- yiligha barghanda, 20 yashtin 45 yashqiche bolghan kishiler arisida ayallardin 30 milyon er kishi köp bolidiken .

Xitay nopus tetqiqat istratégiye programmisida tekitlinishiche, xitayda kelgüsi 30 yil ichide, 200 milyon adem köpiyip, 2010 ‏- yili xitayning omumiy nopusi 1 milyard 360 milyon'gha , 2020 ‏- yili 1 mliyard 45 milyon'gha , 2033 ‏- yili xitayda nopus eng yuqiri pellige chiqip 1 milyard 400 milyon'gha yétidiken.

Mezkür teshkilat, 2004 ‏- yili 2 ‏- aydin 2006 ‏- yili 4 ‏- ayghiche xitayning nopus tereqqiyati, nopus bilen iqtisadi, jem'iyet, énérgiye, muhit munasiwiti qatarliqlar üstide tekshürüp tetqiqat élip bérish arqiliq yuqiriqi doklatni hazirlighan.

Közetküchiler, xitayda mewjüt boluwatqan we kelgüside téximu küchiyip kétidighan er - ayalliq nisbitining tengpungsizliqi xitaygha éghir apetlerni élip kélidighan muhim amillarning biri dep qarimaqta . (Eqide)