Xitay öktichisi uzun yil nérwa késeller doxturxanisida tutup turuldi
2005.11.02
Bash shtabi nyoyorktiki xelq'ara kishilik hoquqni közitish teshkilatining charshenbe küni bildürüshiche, xitaydiki öktichi pa'aliyetchi wang wenshing xitay hökümiti teripidin 13 yil nérwa késeller doxturxanisida tutup turulghandin kéyin, yéqinda qoyup bérilgen.
Mezkur teshkilatning bildürüshiche, wang wenshing bu yil 8 - ayda qoyup bérilgendin kéyin, derhal gérmaniyige yolgha sélinip, gérmaniyidiki ayal baliliri bilen jem bolghan. Wang wenshing 1992 - yili "4 - iyon tyen'enmin weqesi" ning üch yilliqini xatirilep namayish ötküzgendin kéyin, béyjingda qolgha élin'ghan.
Xelq'ara kishilik hoquqni küzitish teshkilatining éytishiche, wang wenshing özining nérwa késeller doxturxanisida türlük qiyin- qistaqqa élin'ghanliqi, hemde bashqilarningmu her xil xorlashlargha uchrighanliqini körgenlikini éytip bergen.
Xitay tashqi ishlar minsitirliqi téxi xelq'ara kishilik hoquqni küzitish teshkilatining bu melumatlirigha héchqandaq inkas qayturmidi. Xelq'ara metbu'atlarning qarishiche, xitay hökümiti wang wenshingni ,b d t kishilik hoquq komitétining aliy komissari we qiyin- qistaqqa élishqa qarshi xadimining xitay ziyariti munasiwiti bilen qoyup bergen. (Arzu)
Munasiwetlik maqalilar
Köp körülgen xewerler
RFA
- Abduweli ayup: “Xitaygha bérip kéliwatqan Uyghurlarning köpiyishi jiddiy mesile!”
- Turpan karizliri: Uyghurlardin ayrip, xitay shirketlirining paydisigha yüzlendürülüwatqan karizlar
- Hamutxan köktürk: xitayning puli bilen xitayning méhmani bolup weten'ge barghanlar sherqiy türkistan dewasigha xiyanet qilghan bolidu
- “Uyghur” namini özgertish némige zörür bolup qaldi?
- Kikbokschi abdusemet tewekkül: “Nishanim dunya chémpiyoni bolup, sherqiy türkistanni dunyagha tonutushtur”