Béyjing, olimpikning sahibxaniliqigha layiq emes dep yene bir qétim eyiblendi

En'giliye "sehiye" gézitining muxbiri jonsén, düshenbe küni xitayning 2008 - yili olimpik tenterbiye musabiqisini ötküzüsh heqqide bergen wediside turmighanliqini bildürdi .

Xewerde ilgiri sürülishiche, béyjing shehirining bashliqi, géritsiyening paytexti afénada ötküzilgen olimpik tenterbiye musabiqisining bayriqini qobul qilip 24 sa'et ötmey turupla, xitay bergen wedisige xilap herketlerde bolghan .

Bir hepte burun, tibetliklerning herkitini yaqlighuchi, xelq'ara pa'aliyetchiler béyjingda naraziliq herketliri élip bérip, eger xitay hökümiti tibetliklerning kishilik hoquqini eslige keltürmise, 2008 - yili ötküzilidighan olimpik tenterbiye musabiqisinng sahipxanliqigha layiq bolalmaydighanliqini körsetken idi . Bu pa'aliyetni ziyaret qilghan muxbir jonsén, xitay saqchi idarisi teripidin soraqqa tartilghan hemde qanunsiz ziyaret élip barghan dep eyiplen'gen, bu arida fillandiyilik yene bir muxbirmu qopalliqqa uchirighan, xitay saqchiliri uning resim aparat we banka kartlirini musadire qilghan .

Muxbir jonsén, xitay hökümiti üstidin shikayet qilip, xitayda bu xil qattiq konturulluq astida xelq'ara metbu'atlarning erkin ziyaret qilishining mumkin emeslikini bildürgen . (Eqide)