Béyjing olimpik qurulushining mu'awin rehbiri xiyanetchilik sewebidin tekshürüldi


2006.06.23
Share on WhatsApp
Share on WhatsApp

Béyjing shehirining mu'awin sheher bashliqi lyu jixu'a xiyanetchilikke chétilip qélish sewebidin wezipisidin qaldurulghandin kéyin, béyjing olimpik qurulushi bash qarargahining mu'awin rehbiri jin yen, merkizi intizam tekshürüsh komitéti teripidin tekshürülüshke bashlighan.

Xongkong metbu'atlirining ashkarilishiche, jin yen bu yil 5 - ayning otturiliri bir wekiller ömikini bashlap shyaménda tekshürüsh élip barghandin kéyin ammiwi sorunlarda körülmigen. Weziyettin xewerler erbaplar jin yenning tekshürülüshi lyu jixu'aning xiyanetchilik dilosi bilen munasiwetlik bolushi mumkin.

Közetküchiler, xiyanetchilik bilen eyiblinip wezipisidin qaldurulghan lyu jixu'ani partiye ichi siyasi küreshning qurbani, dep qarimaqta. Közetküchilerning bu perizi toghra bolsa lyu jixu'a partiye ichidiki siyasi küreshning birdin bir qurbani emes.

Buning aldida Uyghur aptonom rayonining mu'awin re'isi aman haji xiyanetchilik bilen eyiblinip qolgha élin'ghan we 12 yilliq qamaq jazasigha höküm qilin'ghan. Közetküchiler, Uyghur aptonom rayoni partikomining sékrétari wang léchü'en bilen "pewqullade yéqin munasiwti bar", dep qaralghan we uning izchil "maxtishigha sazawer" bolup kelgen aman hajini wang léchü'enning qurbanigha aylandi, perez qilishmaqta idi.

Aman hajining kanadada yashaydighan inisi ilshat haji béyjingda qolgha élin'ghandin kéyin ölüki a'ilisige tapshurup bérilgen we derhal kömüwétish telep qilin'ghan idi.

Igillishimizche, lyu jixu'a wezipisidin qaldurulghandin kéyin, béyjingdiki meshhur yer - mülk sodigiri we shawchu'ang guruhining bash mudiri lyu shawgu'ang merkizi intizam komitéti teripidin élip kétilip tekshürülgen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet