Бейҗиң даирилири олимпик йиғинидин бурун бу шәһәрдики аққунларни қоғлап чиқармақчи


2006-09-15
Share

Хитай мәтбуатлириниң хәвәр қилишичә, бейҗиң даирилири 2008 - йили өткүзүлидиған олимпик йиғинидин бурун бу шәһәрдә яшайдиған 500 миңдәк яқа юртлуқ аққунни шәһәрдин қоғлап чиқиридикән.

" Бейҗиң гезити" аққунларни шәһәрдин қоғлап чиқириш һәрикитини олимпик йиғининиң тәйярлиқи үчүн елип берилидиған тазилиқ пиланиниң бир қисими, дәп көрсәтти вә бу пиланниң паһишиләр, намратлар, макансизлар вә нирвисидин адашқан кишиләргә қаритилидиғанлиқини билдүрди.

" Бейҗиң гезити" хитай даирилириниң сөзини нәқил кәлтүрүп, "бу кишиләр олимпик йиғини җәрянида мәҗбурий йөткиветилиши керәк," дәйду. Лекин шинхуа ахбарат агентлиқи, бейҗиң даирилириниң аққунларни шәһәрдин қоғлап чиқириш пилани барлиқини инкар қилған.

Хитай даирилириниң статистика қилишичә, бейҗиң шәһиридә 4 милйон аққун яшайдикән вә буларниң бир милйони қурулуш саһәсидә ишләйдикән. Лекин кишилик һоқуқ тәшкилатлири болса бейҗиң даирилирини аҗиз кишиләрни чәткә қеқиш олимпик йиғининиң роһиға хилап, дәп әйиблимәктә. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт