Béyjing da'iriliri olimpik yighinidin burun bu sheherdiki aqqunlarni qoghlap chiqarmaqchi

Xitay metbu'atlirining xewer qilishiche, béyjing da'iriliri 2008 - yili ötküzülidighan olimpik yighinidin burun bu sheherde yashaydighan 500 mingdek yaqa yurtluq aqqunni sheherdin qoghlap chiqiridiken.

" Béyjing géziti" aqqunlarni sheherdin qoghlap chiqirish herikitini olimpik yighinining teyyarliqi üchün élip bérilidighan taziliq pilanining bir qisimi, dep körsetti we bu pilanning pahishiler, namratlar, makansizlar we nirwisidin adashqan kishilerge qaritilidighanliqini bildürdi.

" Béyjing géziti" xitay da'irilirining sözini neqil keltürüp, "bu kishiler olimpik yighini jeryanida mejburiy yötkiwétilishi kérek," deydu. Lékin shinxu'a axbarat agéntliqi, béyjing da'irilirining aqqunlarni sheherdin qoghlap chiqirish pilani barliqini inkar qilghan.

Xitay da'irilirining statistika qilishiche, béyjing shehiride 4 milyon aqqun yashaydiken we bularning bir milyoni qurulush saheside ishleydiken. Lékin kishilik hoquq teshkilatliri bolsa béyjing da'irilirini ajiz kishilerni chetke qéqish olimpik yighinining rohigha xilap, dep eyiblimekte. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar