Хитай һөкүмити олимпик мусабиқисидә чәкләнгән дора мәсилисигә дуч килиду
Хәлқаралиқ роһландуруш дорисини ишлитишни чәкләш оргини 10 - өктәбир күни бейҗиңда баянат елан қилип , хитай һөкүмити һазирдин башлап роһландуруш дориси истимал қилишни чәкләш җәһәттә тиришчанлиқини күчәйткәндила андин 2008 - йиллиқ бейҗиң язлиқ олимпик мусабиқисидә дора ишлитишни тосушқа капаләтлик қилалайду , дәп көрсәтти.
Мәзкүр органниң рәиси дек поунд бу мунасивәт билән қилған сөзидә хитайниң бу җәһәттә йәнила тиришчанлиқ көрситиши керәкликини тәкитлиди һәмдә бу йил 8 - айда өткүзүлгән лявниң өлкилик тәнтәрбийә мусабиқиси җәрянида йүз бәргән әншән йеник атлитка мәктипи оқуғучилириниң колликтип һалда роһландуруш дориси истимал қилип мусабиқигә қатнашқанлиқи һәққидики вәқәни мисалға елип " хитайда роһландуруш дорисини истимал қилишни чәкләш җәһәттә ишләшкә тигишлик нурғун хизмәтләр бар " дәп әскәртти.
Гәрчә хитай һөкүмити бир нәччә йилдин буян чәкләнгән дориларни тәкшүрүш , ишләпчиқириш вә тарқитиш йоллирини тосуш қатарлиқ бир қатар тәдбирләрни алған болсиму, бу қетим хизмәт тәкшүрүшкә кәлгән канадалиқ сабиқ хәлқара олимпик комитетиниң муавин башлиқи болған дек йәнила хитай әмәлдарлириниң мәсилиниң еғирлиқини тонуши лазимлиқини, болмиса бейҗиң олимпик мусабиқисигә тәсир көрситиши мумкинлиқини билдүрди. (Меһрибан)
Мунасивәтлик мақалилар
- Бейҗиң даирилири олимпик йиғинидин бурун бу шәһәрдики аққунларни қоғлап чиқармақчи
- Бейҗиңда, 2008 - йили ечилидиған олимпик йиғини һәққидә мәхсус ахбарат елан қилиш йиғини ечилди
- Хәлқара тибәт һәрикити хәлқара олимпик комитетиға җоңго үстидин шикайәт қилди
- Хиянәтчилик билән әйибләнгән бейҗиңниң муавин шәһәр башлиқи уйғур елигә әвәтилди
- Бейҗиң олимпик қурулушиниң муавин рәһбири хиянәтчилик сәвәбидин тәкшүрүлди