Xitay hökümiti olimpik musabiqiside cheklen'gen dora mesilisige duch kilidu
Xelq'araliq rohlandurush dorisini ishlitishni cheklesh orgini 10 - öktebir küni béyjingda bayanat élan qilip , xitay hökümiti hazirdin bashlap rohlandurush dorisi istimal qilishni cheklesh jehette tirishchanliqini kücheytkendila andin 2008 - yilliq béyjing yazliq olimpik musabiqiside dora ishlitishni tosushqa kapaletlik qilalaydu , dep körsetti.
Mezkür organning re'isi dék po'und bu munasiwet bilen qilghan sözide xitayning bu jehette yenila tirishchanliq körsitishi kéreklikini tekitlidi hemde bu yil 8 - ayda ötküzülgen lyawning ölkilik tenterbiye musabiqisi jeryanida yüz bergen enshen yénik atlitka mektipi oqughuchilirining kolliktip halda rohlandurush dorisi istimal qilip musabiqige qatnashqanliqi heqqidiki weqeni misalgha élip " xitayda rohlandurush dorisini istimal qilishni cheklesh jehette ishleshke tigishlik nurghun xizmetler bar " dep eskertti.
Gerche xitay hökümiti bir nechche yildin buyan cheklen'gen dorilarni tekshürüsh , ishlepchiqirish we tarqitish yollirini tosush qatarliq bir qatar tedbirlerni alghan bolsimu, bu qétim xizmet tekshürüshke kelgen kanadaliq sabiq xelq'ara olimpik komitétining mu'awin bashliqi bolghan dék yenila xitay emeldarlirining mesilining éghirliqini tonushi lazimliqini, bolmisa béyjing olimpik musabiqisige tesir körsitishi mumkinliqini bildürdi. (Méhriban)
Munasiwetlik maqalilar
- Béyjing da'iriliri olimpik yighinidin burun bu sheherdiki aqqunlarni qoghlap chiqarmaqchi
- Béyjingda, 2008 - yili échilidighan olimpik yighini heqqide mexsus axbarat élan qilish yighini échildi
- Xelq'ara tibet herikiti xelq'ara olimpik komitétigha jonggo üstidin shikayet qildi
- Xiyanetchilik bilen eyiblen'gen béyjingning mu'awin sheher bashliqi Uyghur élige ewetildi
- Béyjing olimpik qurulushining mu'awin rehbiri xiyanetchilik sewebidin tekshürüldi