Xitay olimpik yighinida chet'el muxbirlirigha béridighan ziyaret erkinliki Uyghur we tibet rayonlirini öz ichige almaydu


2006-12-04
Share

Xitay da'iriliri ötken hepte béyjing olimpik yighini jeryanida chet'el muxbirlirigha xitayning her qaysi rayonlirini ruxsetsiz sayahet qilish we awam puqralarni ziyaret qilish erkinliki bérilidighanliqini jakarlighan bolsimu, lékin metbu'atlar Uyghur aptonom rayoni bilen tibetke qaritilghan cheklimining emeldin qaldurulmaydighanliqini bildürdi.

Xitayning 1990 - yillardin béri yolgha qoyup kéliwatqan axbarat belgilimiside chet'ellik muxbirlar béyjing we shangxey shehiridin bashqa jaylarni ziyaret qilmaqchi bolsa, xitay hökümitining ruxsitini élish kérek. Lékin xitay tashqiy ishlarministirliqi bayanatchisi lyu jyenchaw, yéngi belgilimide chet'ellik muxbirlarning yerlik hökümet da'iriliridin ruxset élishqa hajiti qalmighanliqini bildürgen idi. Lyu jyenchaw bu belgilime néme üchün tibet we Uyghur aptonom rayoni üchün yolgha qoyulmaydighanliqini chüshendürmigen bolsimu, lékin chet'ellik muxbirlarning ziyariti béyjing olimpik musabiqisigha munasiwetlik bolushi kéreklikini ilgiri sürgen.

Xitayning metbu'at erkinlikini kontrol qilish siyasiti xelq'ara kishilik hoquq teshkilatlirining izchil tenqidige uchrap kelmekte. Xitay da'irilirining yéngi axbarat belgilimisi 2008- yili 10 - ayning 17 - künigiche yolgha qoyulmaqchi. Axbarat erkinliki xelq'ara olimpik komitétining belgilimiside olimpik yighinini ötküzüdighan sahipxan dölet choqum hazirlishigha kéreklik bolghan aldinqi shertlerning biri bolup hésablinidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet