Olimpikning mes'ul xadimliri xitayda yémek-ichmektin zeherlinishning xetiri yuqiriliqini bildürdi


2007-03-30
Share

Fransiye agéntliqining 30 ‏- mart béyjingdin bergen xewiride bildürüshiche, xitay béyjing shehiridiki tamaq bixeterliki ölchimini yuqiri kötürgen bolsimu, jüme küni xitay emeldarlirining bildürüshiche, olimpik yighinida bulghan'ghan yémekliklerning körülüp qélish éhtimalliqi yenila yuqiri iken.

Asiya tereqqiyat bankisining doklatigha asaslan'ghanda xitayda her yili 300 milyon adem yémek-ichmektin zeherlinidiken.

Béyjing yémek-ichmek bixeterliki bashqurush idarisi uchur bölümining mes'ul xadimi tang yünxwa mundaq deydu: "xetiri yenila bar, lékin bizning xizmitimiz bu xeterni kémeytish. Biz buni olimpik üchün qiliwatimiz".

Xewerdin melum bolushiche, xitay olimpik tenheriketchilirining yémek- ichmek bixeterlikini qoghdash üchün, tenheriketchilerge tamaq teyyarlaydighan ashxana, ashxana ambarlirini dawamliq közitip tekshürüp turushni otturigha qoyghan bolsimu, lékin bu jaylarning sirtida tamaqlan'ghanda zeherlinip qilish xetiri yenila chong iken.

Mutexessislerning bildürüshiche, xitayda östürülgen mehsulatlar terkibide zeherlik déhqanchiliq doriliri, ximiyiwiy oghutning qalduqliri we öy haywanlirini semiritidighan we zira'etlerning mehsulat miqdarini ashurushqa ishlitidighan cheklen'gen hormonlar bar iken.

Ötken séntebirde 336 adem bu xil hormon terkibi bar göshni yep aghrighan we béyjingdiki bir réstoranda tamaqlan'ghan 90 adem parazit qurutlar bilen bordalghan qululini yep doxturxanida yétip qilishqan idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet