Хитай олимпик тәнһәрикәт йиғининиң беләтлирини сетишни башлиди


2007-04-15
Share

Хитай даилири 2008-йили өткүзүлидиған бейҗиң олимпик тәнһәрикәт йиғинниң беләтлирини сетишни башлиди.

Бейҗиң олимпик тәнһәрикәт тәшкилий комитети йәттә милйондин артуқ бейҗиң олимпик тәнһәрикәт мусабиқисиниң көрүш белитини хитай вә хәлқара миқяда сетишни 15-априлдин етибарән башлиған.

Хәвәрләрдин қариғанда, беләт баһаси 30 йүәндин бәш миң йүәнгичә болуп, хитай даирилири сахта беләт вә баһасини өстүрүп сетиш қилмишлириниң алдини елиш үчүн алдин беләт заказ қилғучиларниң кимлик учурини сорашни қарар қилған.

Хәвәрдин қариғанда, бейҗиң олимпик тәшкилий комитәти беләтләрни һәр қайси җайлардики торлар, олимпик кометитлири вә башқа мунасивәтлик орунлар арқилиқ сетивалғили болидиғанлиқи, 75% беләтниң хитайниң ичигә, 25 % беләтниң хитайниң тешиға сетилидиғанлиқини уқтурған.

Бейҗиң олимпик тәнһәрикәт йиғинини қолға кәлтүрүш хитай үчүн зор пәхирлинидиған иш болсиму, лекин буниң тәйярлиқиға 50 милярд доллар сәрп қилинидиғанлиқи хитай үчүн зор иқтисадий бесим пәйда қилған. Шуңа, көзәткүчиләр хитай һөкүмитиниң бу чиқимларни толдурушниң түрлүк амалини қиливатқанлиқини оттуриға қоймақта. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт