Xitay olimpik tenheriket yighinining béletlirini sétishni bashlidi


2007-04-15
Share

Xitay da'iliri 2008-yili ötküzülidighan béyjing olimpik tenheriket yighinning béletlirini sétishni bashlidi.

Béyjing olimpik tenheriket teshkiliy komitéti yette milyondin artuq béyjing olimpik tenheriket musabiqisining körüsh bélitini xitay we xelq'ara miqyada sétishni 15-aprildin étibaren bashlighan.

Xewerlerdin qarighanda, bélet bahasi 30 yüendin besh ming yüen'giche bolup, xitay da'iriliri saxta bélet we bahasini östürüp sétish qilmishlirining aldini élish üchün aldin bélet zakaz qilghuchilarning kimlik uchurini sorashni qarar qilghan.

Xewerdin qarighanda, béyjing olimpik teshkiliy komiteti béletlerni her qaysi jaylardiki torlar, olimpik kométitliri we bashqa munasiwetlik orunlar arqiliq sétiwalghili bolidighanliqi, 75% béletning xitayning ichige, 25 % béletning xitayning téshigha sétilidighanliqini uqturghan.

Béyjing olimpik tenheriket yighinini qolgha keltürüsh xitay üchün zor pexirlinidighan ish bolsimu, lékin buning teyyarliqigha 50 milyard dollar serp qilinidighanliqi xitay üchün zor iqtisadiy bésim peyda qilghan. Shunga, közetküchiler xitay hökümitining bu chiqimlarni toldurushning türlük amalini qiliwatqanliqini otturigha qoymaqta. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet