Xitayning neziride kishilik hoquq teshkilatlirining tenqidi "olimpikni siyasiylashturush"
2007.05.18
Xitay tashqiy ishlar ministiri yang jéychi, xelq'ara kishilik hoquq teshkilatliri we gherb döletlirining xitay kishilik hoquq xatirisi we sudan mesilisidiki siyasitige qaritilghan tenqidlerni béyjing olimpik yighinini siyasiylashturushqa qaritilghan, dep qaraydighanliqini namayen qildi.
Yang jéychi jüme küni en'giliye tashqiy ishlar ministiri margarét békkét xanim bilen körüshkende, 2008 - yili ötküzülidighan béyjing olimpik musabiqisini siyasiylashturush yolidiki urunushlarning choqum meghlup bolidighanliqini bildürdi. Yang, margarét bérrét bilen ötküzgen söhbitidin kéyin muxbirlarni kütüwélip, béyjing olimpik yighinini sudanning darfur rayoni we bashqa mesililer bilen baghlimaqchi bolush, olimpik musabiqisini siyasiylashturghanliqtur, dep tenqidligen.
Yang jéychi, xitay hökümiti we emeldarlirining sudandiki her qaysi terepler bilen zich alaqe ornitiwatqanliqini we mesilini tinch, söhbet bilen hel qilishni ümid qilidighanliqini bildürdi. Xelq'ara jemiyetning xitay hökümitidin sudan'gha bésim ishlitip darfurdiki insanperwerlik krizisige xatime bérish chaqiriqi barghanche kücheymekte.
Yéqinda amérika dölet mejlisining bir qisim ezaliri xu jintawgha xet yézip, eger xitay sudan mesiliside siyasitini özgertmise, béyjing olimpik yighinini " irqiy qirghinchiliq musabiqisi" dep qaraydighanliqini agahlandurghan. Buningdin sirt kishilik hoquq teshkilatliri Uyghur, tibet, diniy guruhlar we öktichi zatlar basturushqa uchrawatqan weziyette, olimpik musabiqisini béyjingda ötküzüshning toghriliqidin gumanlinidighanliqini bildürmekte idi. (Erkin)
Munasiwetlik maqalilar
- Chén shüybiyen : teywen qayta musteqilliq élan qilmaydu
- Kanada metbu'atlirida béyjing olimpik tenheriket yighinini bayqut qilish mesilisi munazire qilinmaqta
- Xitay olimpik tenheriket yighinining béletlirini sétishni bashlidi
- Xitay yerlik muxbirliq ponkitlirini tertipke salmaqchi
- Olimpikning mes'ul xadimliri xitayda yémek-ichmektin zeherlinishning xetiri yuqiriliqini bildürdi
- Béyjing, olimpik yighinining bixeterliki üchün chet'eller bilen hemkarlishidighanliqini élan qildi
- Xitay metbu'at teshwiqatini kücheytish arqiliq xitayni xelq'ara jama'etchilikke toghra tonutushni teshebbus qildi
- Xitay olimpik yighinida chet'el muxbirlirigha béridighan ziyaret erkinliki Uyghur we tibet rayonlirini öz ichige almaydu