Béyjing olimpikida ishlitilish üchün quruluwatqan tiktak top zaligha ot ketti
2007.07.02
2 - Iyul düshenbe küni, 2008- yilliq béyjing olimpikida ishlitilish üchün qurulup pütüsh aldida turghan tiktak top meydanigha ot ketti. Emma guwahchilar we hökümet xadimlirining éytishiche, apettin zexme yigüchiler we yaki ölüm- yétim ishliri körülmigen.
Roytérs agéntliqining bu heqtiki xewiride körsitilishiche, meydandin kötürülgen ot yalquni we qoyuq is-tütekler béyjing uniwérsitétida quruluwatqan mezkur binaning ögzisini bir alghan. Binaning gherbiy bulungi ista qaridap ketken bolup, saqchilarning bildürüshiche, yarilinish ehwali körülmigen.
Kölimi 26 ming 900 kwadrat métir kélidighan bu tenterbiye sariyining qurulushi 2005- yili séntebirde bashlan'ghan bolup, kéler ayda pütüshi pilanlan'ghan we mushu yili dékabirda olimpikning sinaq pa'aliyiti ötküzülmekchi idi.
Béyjing uniwérsitéti bayanatchisi: "biz 12- ayda ötküzilidighan sinaq pa'aliyitining tesirge uchrishini kütmeymiz" deydu . Melum bolushiche, béyjing uniwérsitétida quruluwatqan tiktak top meydanigha 8 ming adem sighidiken.
Kéler nöwetlik olimpik yighini, 2008- yili awghustta béyjingda échilidu . Emma dunyaning herqaysi jayliridiki kishilik hoquq teshkilatliri, xitayning olimpikke sahibxan bolush salahiyiti yoq dep qarap, xitayni kishilik hoquqni yaxshilashqa qistap kelgen we olimpikni bayqut qilish chaqiriqini otturigha qoyghan idi.(Jüme)
Munasiwetlik maqalilar
- Xitay armiyisi béyjing olimpik musabiqisida bixeterlikni qoghdash xizmitige qatnishidu
- Xitay béyjingda olimpik munasiwiti bilen mejburiy öy köchürgenlikini inkar qildi
- Xitay olimpik munasiwiti bilen rabiye qadir bashliq bir qanche Uyghurning herikitige diqqet qilishni belgiligen
- Béyjing olimpik yighini we uning bixeterlik mesilisi
- Xitayning neziride kishilik hoquq teshkilatlirining tenqidi "olimpikni siyasiylashturush"
- Chén shüybiyen : teywen qayta musteqilliq élan qilmaydu
- Kanada metbu'atlirida béyjing olimpik tenheriket yighinini bayqut qilish mesilisi munazire qilinmaqta
- Xitay olimpik tenheriket yighinining béletlirini sétishni bashlidi