Олимпик мәшилигә от йеқиш мурасими кишилик һоқуқ органлириниң қаршилиқиға дуч кәлди


2008-03-24
Share

24 - Март дүшәнбә күни гретсийидә өткүзүлгән 2008 - йиллиқ олимпик мәшилигә от йеқиш мурасими ахбарат әркинлик тәшкилати вә тибәт һәрикити тәшкилати қатарлиқ органларниң қаршилиқиға учриди.

Мәлум болушичә, баш штаби парижға җайлашқан чегрисиз мухбирлар тәшкилати әзалири мурасим мәйданида намайиш елип барған һәмдә бейҗиң олимпикини тәшкилләш комитетиниң рәиси лю чи сөзгә чиққанда, олимпик һалқисиниң орниға қолға салидиған койзиниң сүрити чүшүрүлгән қара рәңлик байрақни көрситип өз наразилиқини ипадилигән.

Бирләшмә агентлиқиниң нәқил қилишичә, чегрисиз мухбирлар тәшкилати баянатида "әгәр олимпик мәшили муқәддәс дәп қаралса, кишилик һоқуқ униңдинму муқәддәс, биз хитай ичидә йүз бериватқан кәскин кишилик һоқуқ әһвалини әйиблимәй туруп хитай һөкүмитиниң тинчлиқниң символи болған бу мәшәлгә еришишигә йол қоялмаймиз" дегән.

Хәвәрдә көрситилишичә, өзини қизил бойивалған бир тибәт аял мәшәлни көтүрүп маңған тәнһәрикәтчиниң алдида йетивалған болуп, башқа намайишчилар "тибәткә мустәқиллиқ", "шәрмәндә хитай һөкүмити" дегәнгә охшаш шоарларни товлашқан.

Мәлум болушичә, гретсийә сақчилири бу намайишчиларниң иккисини вә чегрисиз мухбирлар тәшкилатиниң 3 әзасини тутқан.

Бирләшмә агентлиқиниң бейҗиңдин хәвәр қилишичә, хитай телевизорлирида олимпик мәшилигә от йеқиш мурасими өткүзүлгән көрүнүш берилгәндә, мәзкур намайиш йүз бәргән көрүнүшләрниң һәммиси кесип чиқириветилгән икән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт