Olimpik mesh'ilige ot yéqish murasimi kishilik hoquq organlirining qarshiliqigha duch keldi


2008-03-24
Share

24 - Mart düshenbe küni grétsiyide ötküzülgen 2008 - yilliq olimpik mesh'ilige ot yéqish murasimi axbarat erkinlik teshkilati we tibet herikiti teshkilati qatarliq organlarning qarshiliqigha uchridi.

Melum bolushiche, bash shtabi parizhgha jaylashqan chégrisiz muxbirlar teshkilati ezaliri murasim meydanida namayish élip barghan hemde béyjing olimpikini teshkillesh komitétining re'isi lyu chi sözge chiqqanda, olimpik halqisining ornigha qolgha salidighan koyzining süriti chüshürülgen qara renglik bayraqni körsitip öz naraziliqini ipadiligen.

Birleshme agéntliqining neqil qilishiche, chégrisiz muxbirlar teshkilati bayanatida "eger olimpik mesh'ili muqeddes dep qaralsa, kishilik hoquq uningdinmu muqeddes, biz xitay ichide yüz bériwatqan keskin kishilik hoquq ehwalini eyiblimey turup xitay hökümitining tinchliqning simwoli bolghan bu mesh'elge érishishige yol qoyalmaymiz" dégen.

Xewerde körsitilishiche, özini qizil boyiwalghan bir tibet ayal mesh'elni kötürüp mangghan tenheriketchining aldida yétiwalghan bolup, bashqa namayishchilar "tibetke musteqilliq", "shermende xitay hökümiti" dégen'ge oxshash sho'arlarni towlashqan.

Melum bolushiche, grétsiye saqchiliri bu namayishchilarning ikkisini we chégrisiz muxbirlar teshkilatining 3 ezasini tutqan.

Birleshme agéntliqining béyjingdin xewer qilishiche, xitay téléwizorlirida olimpik mesh'ilige ot yéqish murasimi ötküzülgen körünüsh bérilgende, mezkur namayish yüz bergen körünüshlerning hemmisi késip chiqiriwétilgen iken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet