Xitay, olimpik yighinining mesh'el yéqish murasimidiki parakendichilikni eyiblidi


2008-03-25
Share

Xitay hökümiti, düshenbe küni grétsiyining paytexti afénadiki olimpiye téghida ötküzülgen 2008‏ - yilliqi béyjing olimpik musabiqisining mesh'ilini yéqish murasimi jeryanida kishilik hoquq pa'aliyetchiliri teripidin élip bérilghan naraziliq herikitini nomussiz bir heriket dep eyiblidi.

Düshenbe küni mezkur murasim jeryanida, qollirida besh chemberlik olimpik gribining ornigha besh koyza qoyulghan qara bayraq kötergen üch namayishchi bixeterlik chembiridin ötüp, béyjing olimpik teshkillesh komitétining re'isi liyu ché nutuq sözlewatqan bir peyitte, uning yénigha yéqinlashqan idi.

Merkizi parizhdiki, chégrisiz muxbirlar teshkilati, düshenbe küni, bixeterlik chembiridin ötüp, béyjing olimpik tenheriket yighinining mesh'ilini yéqish murasimini, bir mezgil toxtatqan üch namayishchining mezkur teshkilatning ezaliri ikenlikini bildürdi.

Xitay hökümiti resmiy bayanat élan qilip, bu heriketni qattiq eyibligen bolsimu, emma xitay metbu'atida murasim jeryanida meydan'gha kelgen bu weqe toghrisida héchqandaq xewer bérilmidi. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet