Бейҗиңдики һава булғиниши бир қисим тәнһәрикәт түрлириниң вақтини кечиктүрүши мумкин
2007.10.25
Хәлқара олимпик комитети, 25 - өктәбир күни бейҗиңда өткүзүлгән ахбарат елан қилиш йиғинида, бейҗиңдики һава паскиничилиқи сәвәбидин, бир қисим тәнһәрикәт түрлири мусабиқисиниң кечиктүрүлүш еһтимали барлиқини билдүргән.
Олимпикқа 10 ай қалған бу күнләрдә, бейҗиңниң бешини ағритиватқан мәсилиләрдин бири, бейҗиңниң һава паклиқиниң хәлқара өлчәмләргә йәтмәйватқанлиқидур.
Б д т ниң екологийилик пилан комитети тәйярлиған доклатта, бейҗиң һава тазилаш ишида қәдими аста дәп тәнқидләнгән һәм бейҗиңниң һава кирлишиш нисбитиниң, дуня сәһийә тәшкилатиниң өлчәмлиридин көп юқири икәнликини көрсәткән. Түнүгүн, бейҗиңда ахбарат елан қилиш йиғини өткүзгән, хәлқара олимпик комитетиниң техникилиқ лаяқәт тәкшүрүш гурупписи, бейҗиңниң, олимпик тәйярлиқи үчүн бәлгилик дәриҗидә тиришчанлиқ көрсәткән болсиму, һава тазилашта илгириләш пәйда қилалмиғанлиқини билдүргән, " һава паскиничилиқи чоң бир мәсилә" дәп көрсәткән гуруппа башлиқи һава тазилиниш әһвалини күндилик тәкшүрүп вә көзитип меңиватқанлиқини, һава пакизлиниш бәлгилик вақит тәләп қилидиған болғачқа, бир қисим тәнһәрикәт түрлири мусабиқисиниң кечиктүрүп өткүзүлүш еһтимали барлиқини билдүргән.
Хәлқара олимпик комитетиниң президенти җаккус рогги әпәнди сөзидә, " тәнһәркәтчиләрниң мәйли мәшқ, мәйли мусабиқә җәрянида болсун сап һаваға еһтияҗи барлиқи "ни билдүргән, әмма вақит мәсилиси үстидә тохталмиған. Б д т екологийилик план комитетиниң башлиқи әрик фалт әпәнди сөзидә," бейҗиңниң һавасини бузуватқан асасий сәвәбләр көмүр йеқулғусини қолланған фабрикиларниң көплүки, җуғрапийивий орун вә қатнаш қораллириниң көплики" дәп көрсәткән. (Шөһрәт һошур)
Мунасивәтлик мақалилар
- Хәлқара олимпик комитети, бейҗиң олимпик мәшилини тәйвәндин өткүзүш пиланидин вазкәчти
- Хитайда муһит вә суниң булғиниши сәвәблик инсанлар муддәттин бурун һаятидин айрилмақта
- Хитай бейҗиң олимпик һәрикити террор тәһдитигә дуч келиватқанлиқини билдүрмәктә
- Дуня аяллар путбол лоңқиси хитайниң шаңхәй шәһиридә башланди
- Д у қ хитай җамаәт хәвпсизлик министирлиқиниң чақириқиға қарши баянат елан қилди
- Атақлиқ кино чолпини ричард гер, хитайни кишилик һоқуқ мәсилисидә очуқ болушқа чақирди
- Әнгилийә минситири, хитай һөкүмитидин кишилик һоқуқ хатирисини яхшилишини тәләп қилди
- Гретсийидики от апитидә 50 тин артуқ адәм өлди