Béyjingdiki hawa bulghinishi bir qisim tenheriket türlirining waqtini kéchiktürüshi mumkin


2007.10.25
Share on WhatsApp
Share on WhatsApp

Xelqara olimpik komitéti, 25 ‏- öktebir küni béyjingda ötküzülgen axbarat élan qilish yighinida, béyjingdiki hawa paskinichiliqi sewebidin, bir qisim tenheriket türliri musabiqisining kéchiktürülüsh éhtimali barliqini bildürgen.

Olimpikqa 10 ay qalghan bu künlerde, béyjingning béshini aghritiwatqan mesililerdin biri, béyjingning hawa pakliqining xelq'ara ölchemlerge yetmeywatqanliqidur.

B d t ning ékologiyilik pilan komitéti teyyarlighan doklatta, béyjing hawa tazilash ishida qedimi asta dep tenqidlen'gen hem béyjingning hawa kirlishish nisbitining, dunya sehiye teshkilatining ölchemliridin köp yuqiri ikenlikini körsetken. Tünügün, béyjingda axbarat élan qilish yighini ötküzgen, xelq'ara olimpik komitétining téxnikiliq layaqet tekshürüsh guruppisi, béyjingning, olimpik teyyarliqi üchün belgilik derijide tirishchanliq körsetken bolsimu, hawa tazilashta ilgirilesh peyda qilalmighanliqini bildürgen, " hawa paskinichiliqi chong bir mesile" dep körsetken guruppa bashliqi hawa tazilinish ehwalini kündilik tekshürüp we közitip méngiwatqanliqini, hawa pakizlinish belgilik waqit telep qilidighan bolghachqa, bir qisim tenheriket türliri musabiqisining kéchiktürüp ötküzülüsh éhtimali barliqini bildürgen.

Xelq'ara olimpik komitétining prézidénti jakkus roggi ependi sözide, " tenherketchilerning meyli meshq, meyli musabiqe jeryanida bolsun sap hawagha éhtiyaji barliqi "ni bildürgen, emma waqit mesilisi üstide toxtalmighan. B d t ékologiyilik plan komitétining bashliqi erik falt ependi sözide," béyjingning hawasini buzuwatqan asasiy sewebler kömür yéqulghusini qollan'ghan fabrikilarning köplüki, jughrapiyiwiy orun we qatnash qorallirining köpliki" dep körsetken. (Shöhret hoshur)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.