Sichü'endiki naraziliq namayishi jeryanida bir namayishchi urup öltürüldi


2004.11.01
Share on WhatsApp
Share on WhatsApp

Amérika birleshme agéntliqining xewer qilishiche, xitay saqchiliri sichü'en ölkisining xen yü'en nahiyiside yasiliwatqan pupugaw su ambiri sewebidin ziyan'gha uchirighan üch yéza ahalisi teripidin teshkillen'gen keng kölemlik naraziliq namayishi jeryanida, bir namayishchini urup öltüriwetken.

Xewerde éytilishiche, ötken charshenbe küni bashlan'ghan naraziliq namayishigha 50000 din artuq kishi qatnashqan bolup, jüme küni namayshchilar bilen xitay saqchiliri otturisida yüz bergen toqunushlarda bir namayishchi saqchilar teripidin urup öltürülgen.

Xewerde ashkarilinishiche, toqunushlardin kéyin, on minglighan kishi saqchilar teripidin urup öltürülgen namayishchining jesidini kötürüp hökümet binasining aldigha kelgen.

Xong kongda chiqidighan alma kündilik gézitining bildürüshiche, xitay kompartiyisining bir xadimi namayshchilarning shikayetlirini tekshürüp chiqip muwapiq bir terep qilidighanliqi heqqide wede bergendin kéyin, namayishchilar andin namayishni ayaqlashturup, tarqilip kétishni qobul qilghan.

Gézitning xewirige qarighanda, namayshchilarning shikayetlirining tekshürülgen tekshürülmigenliki tixi melum emes, lékin xitay hökümet da'irilirining su ambirini qoghdash üchün rayon'gha qoshumche herbiy qsimlarni iwetkenliki bildürülmekte.

Xewerlerge qarighanda, xitay hökümiti mezkur su ambirini yasash üchün 100000 kishini rayondin köchüridiken. Lékin, rayondiki yéza xelqining bildürüshiche, öy-yurtliridin köchürülidighan kishilerge bérilgen tölem puli nahayiti az bolup, bu ularning yéngi bir hayat bashlishgha yetmeydiken. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.