Xitayda bir ottura mekteptiki qatilliq weqeside toqquz oqughuchi öltürüldi

Xitayning xénen ölkisi ruju shehiridiki bir ottura mektepte yüz bergen qatilliq weqeside, toqquz oqughuchi wehshilerche öltürüldi. Peyshenbe küni kéchisi qoligha pichaq alghan bir kishi, xénendiki ruju sheherlik 2 - toluq ottura mektepning oqughuchilar yatiqigha kirip, uxlawatqan oqughuchilarning toqquzini öltürgen, üchini yarilandurghan. Weqedin kéyin qatil neq meydandin qéchip ketken.

Bezi xewerlerde qatilning jüme küni qolgha chüshkenliki ilgiri surulmekte.Bu xitayda mektep oqughuchilirigha yéqinqi 3 ay ichide 4 - qétim hujum qilish weqesi bolup hisaplinidu.

Bu weqe yüz bérishning sel aldida charshenbe küni béyjing hökümiti sherqiy xitayda 25 neper ösmür balini pichaqlighan bir xitaygha ölüm jazasi bergen idi. Xitay dölet re'isi xu jingtaw, bu yil 9 - ayda xitaydiki ottura- bashlan'ghuch mekteplerge amanliq xadimlirini orunlashturush heqqide buyruq chüshürgen. Weqe yüz bergen ruju shehiri, xénenning merkizi jéngjuning gherbiy jenubidiki kömürchilikni asas qilidighan 920 ming nupusluq kichik bir sheher. (Erkin)